სინამდვილეში, ეს ბუნებრივი პროცესია და ერთადერთი, რისი გაკეთებაც მშობელს შეუძლია, არის დაამშვიდოს პატარა და ყურადღება სხვა აქტივობებზე გადაატანიოს, რომ ნაკლებად ჩაიდოს პირში თითები ან სხვა საგნები.

თუ ბავშვს ძალიან აწუხებს კბილების ამოჭრის სიმპტომები, მათ შორის ცხელება, დიარეა და გაძლიერებული ნერწყვდენა, პირველ რიგში უნდა გამოირიცხოს ინფექციური დაავადება. მას შემდეგ, რაც დარწმუნდებით, რომ ეს არის კბილების ამოჭრასთან ასოცირებული დისკომფორტი, სიმპტომების შემსუბუქებაში დაგეხმარებათ სპეციალური რგოლები და ალპეკიდ დენტო, შეგიძლიათ პროდუქტი გახსნათ ერთ ჩაის კოვზ წყალში და მისცეთ ბავშვს ინსტრუქციის მიხედვით.

რა თქმა უნდა, ძალიან მნიშვნელოვანია ნადები არ დაგროვდეს კბილებზე. ძალიან პატარებისათვის არ არის კბილის პასტები, საკმარისია კბილის ნაზად გაწმენდა რძის ნადებისაგან მშობლის თითის ირგვლივ დახვეული მარლით.

ასევე არსებობს პატარებისთვის სილიკონის ფუნჯების სხვადასხვა ვარიანტები, რომლებიც კეთდება დედის ან მამის თითზე. აირჩიეთ თქვენთვის ყველაზე მოსახერხებელი და ხელმისაწვდომი ვარიანტი.